Showing posts with label CHITRANJALI MALAYALAM MOVIE. Show all posts
മണിച്ചിത്രത്താഴിന്റെ രണ്ടാം ഭാഗത്തില്‍ മേനകയുടെ മകള്‍ മോഹന്‍ ലാലിന്റെ നായിക
മണിച്ചിത്രത്താഴിന്റെ രണ്ടാം ഭാഗമായ ഗീതാഞ്ജലിയില് സുരേഷ്- മേനക ദമ്പതികളുടെ മകള്‍ കീര്‍ത്തി മോഹന്‍ലാലിന്റെ നായികയാവുന്നു. ഗീതാഞ്ജലിയുടെ ചിത്രീകരണം നാളെ ആരംഭിക്കാനിരിക്കെയാണ് മോഹന്‍ലാലിന്റെ നായികാ വേഷത്തില്‍ മേനകയുടെ മകള്‍ വരുന്നുവെന്ന വാര്‍ത്ത പുറത്തുവരുന്നത്.
ഫാസിലിന്റെ മണിചിത്രത്താഴിന്റെ രണ്ടാം ഭാഗം പ്രിയദര്‍ശനാണ് സംവിധാനം ചെയ്യുന്നത്. സെവന്‍ ആര്‍ട്‌സ് ഇന്റര്‍നാഷണലിന്റെ ബാനറില്‍ ജി.പി വിജയകുമാറാണ് ചിത്രം നിര്‍മ്മിക്കുന്നത്. ഡെന്നീസ് ജോസഫ് തിരക്കഥയെഴുതിയിരിക്കുന്ന ചിത്രത്തിലെ ഗാനങ്ങള്‍ക്ക് ഈണം നല്‍കുക വിദ്യാസാഗറാണ്. 40 കോടി ബജറ്റുള്ള ചിത്രം അടുത്ത വര്‍ഷമാണ് പുറത്തിറങ്ങുക. മണിച്ചിത്രത്താഴിലെ നായികയായിരുന്ന ശോഭന ഗീതാഞ്ജലിയില് അതിഥി വേഷത്തിലെത്തുമെന്നും റിപ്പോര്‍ട്ടുണ്ടായിരുന്നു.
നിര്‍മ്മാതാവ് സുരേഷ് കുമാറിന്റേയും നടി മേനകയുടേയും ഇളയ മകളാണ് കീര്‍ത്തി. മോഹന്‍ലാലിന്റെ നിരവധി ചിത്രങ്ങളില്‍ മേനക നായികയായിട്ടുണ്ട്. റിലീസ് ചെയ്ത ചില തിയേറ്ററുകളില്‍ 200 ദിവസത്തിലേറെ പ്രദര്‍ശിപ്പിച്ചിട്ടുള്ള മണിച്ചിത്രത്താഴിന്റെ വിജയം ആവര്‍ത്തിക്കാനാണ് പ്രിയന്‍ ടീം ലക്ഷ്യമിടുന്നത്.
ഗീതാഞ്ജലിയില് നിന്ന് ശോഭന പുറത്ത്
ACTRESS SHOBANA
,
CHITRANJALI MALAYALAM MOVIE
,
MALAYALA CINEMA
,
MALAYALAM MOVIE
,
MOHANALAL
No comments
പ്രിയദര്‍ശന്റെ പുതിയ ചിത്രം ഗീതാഞ്ജലിയില് ശോഭന ഉണ്ടാകില്ല. മണിചിത്രത്താഴിലെ ഗംഗയെന്ന കഥാപാത്രമായി ശോഭന ഗീതാഞ്ജലിയിലും അഭിനയിക്കുമെന്ന് വാര്‍ത്തകളുണ്ടായിരുന്നു. എന്നാല്‍ ഗീതാഞ്ജലിയില് അഭിനയിക്കുന്നവരുടെ പട്ടികയില്‍ ശോഭന ഇല്ലെന്നാണ് അറിയുന്നത്. ശോഭനയ്ക്ക് പകരം കാര്‍ത്തിയെന്ന പുതുമുഖമായിരിക്കും നായികാകഥാപാത്രത്തെ അവതരിപ്പിക്കുക.
മോഹന്‍ലാലിനെ നായകനാക്കി ഒരുക്കുന്ന ഗീതാഞ്ജലിയുടെ ഷൂട്ടിംഗ് തിരുവനന്തപുരത്ത് തുടങ്ങാനിരിക്കെയാണ് ശോഭന ഇല്ലെന്ന വാര്‍ത്ത വന്നിരിക്കുന്നത്. മണിച്ചിത്രത്താഴില്‍ മോഹന്‍ലാല്‍ അനശ്വരമാക്കിയ ഡോ സണ്ണിയെ കേന്ദ്രകഥാപാത്രമാക്കിയാണ് പ്രിയദര്‍ശന്‍ ഗീതാഞ്ജലിയും ഒരുക്കുന്നത്.
നേരത്തെ ചിത്രത്തില്‍ ശോഭന അതിഥി താരമായി പ്രത്യക്ഷപ്പെടുമെന്നും റിപ്പോര്‍ട്ടുകളുണ്ടായിരുന്നു. എന്നാല്‍ ഗീതാഞ്ജലിയില് ശോഭന അഭിനയിക്കുന്നത് സംബന്ധിച്ച് പ്രിയദര്‍ശന്‍ വ്യക്തത നല്‍കിയിരുന്നില്ല. വിദ്യാസാഗറിന്റേതാണ്‌ സംഗീതം. പ്രിയദര്‍ശനും ഡെന്നിസ്‌ ജോസഫും ചേര്‍ന്നാണ്‌ ഗീതാഞ്‌ജലിക്ക്‌ തിരക്കഥ രചിച്ചിരിക്കുന്നത്‌..
Subscribe to:
Posts
(
Atom
)
