കളക്ഷനില്‍ കിക്കിനെയും പിന്നിലാക്കി സിങ്കം റിട്ടേണ്‍സ്
അജയ് ദേവ്‌ഗണ്‍ തന്നെ നായകനായ സിങ്കത്തിന്റെ ആദ്യഭാഗം ബോക്സോഫീസില്‍ 100 കോടിയിലേറെ കളക്ട് ചെയ്തിരുന്നു. രാജ്യത്താകെ 3500 സ്ക്രീനുകള്‍ ലഭ്യമായതും പൊതു അവധിദിനമെന്ന ആനുകൂല്യവും സിങ്കം റിട്ടേണ്‍സിന്റെ കളക്ഷനിലും പ്രതിഫലിച്ചുവെന്നാണ് പൊതുവെയുള്ള വിലയിരുത്തല്‍.
അജയ് ദേവ്‌ഗണ്‍, കരീന കപൂര്‍, അമോല്‍ ഗുപ്ത, അനുപം ഖേര്‍മഹേഷ് മഞ്ജരേക്കര്‍ തുടങ്ങി വലിയൊരു താരനിര അണിനിരക്കുന്ന ചിത്രം സംവിധാനം ചെയ്തിരിക്കുന്നത് ബോളിവുഡിലെ നൂറുകോടി ക്ലബ്ബിലെ സ്ഥിരാംഗങ്ങളിലൊരാളെന്ന പേരുള്ള രോഹിത് ഷെട്ടിയാണ്. അതേസമയം ലോംഗ് റണ്ണില്‍ ചിത്രത്തിന് ആദ്യദിന കളക്ഷന്‍ നിലനിര്‍ത്താനാവുമോ എന്ന കാര്യത്തില്‍ ഇപ്പോഴും സംശയങ്ങളുണ്ട്.
ചിത്രത്തെക്കുറിച്ച് സമ്മിശ്ര പ്രതികരണമാണ് ഇതുവരെ ലഭിച്ചിട്ടുള്ളത്. അതെന്തായാലും ആദ്യദിന കളക്ഷനില്‍ ഷാരൂഖിന്റെ ചെന്നൈ എക്സ്പ്രസ് (31കോടി),സല്‍മാന്‍ ഖാന്റെ ഏക് ഥാ ടൈഗര്‍ (30 കോടി)അമീര്‍ ഖാന്‍ നായകനായ ധൂം-3(29 കോടി)എന്നിവയ്ക്കൊപ്പം മുന്‍നിരയിലാണ് ഇനി സിങ്കം റിട്ടേണ്‍സിന്റെയും സ്ഥാനം. -
Subscribe to:
Post Comments
(
Atom
)
No comments :
Post a Comment