Featured Posts
മഞ്ജു എത്തുന്നത് മോഹന് ലാലിനൊപ്പം രഞ്ജിത്ത് ചിത്രത്തില്
അഭ്യുഹങ്ങള്ക്ക് വിരാമമായി. ഏറെ നാളായി മലയാളി പ്രേക്ഷകര് കാത്തിരുന്ന വാര്ത്തയാണ് മഞ്ചു വാര്യര് വെള്ളിത്തിരയിലേയ്ക്ക് തിരികെ എത്തുന്നത്.മോഹന് ലാല് നായകനാകുന്ന രഞ്ജിത്ത് ചിത്രത്തില് മഞ്ചു വാര്യര് തിരികെ എത്തുന്നതായി സംവിധായകന് രഞ്ജിത്ത് വെളിപ്പെടുത്തി.
രഞ്ജിത്ത് ചിത്രത്തിലൂടെയാണ് മഞ്ജു വീണ്ടും പ്രേക്ഷകരിലേയ്ക്ക് എത്തുന്നത് എന്ന് വാര്ത്ത പ്രചരിച്ചിരുന്നെങ്കിലും ഔദ്യോഗികമായ സ്ഥരീകരണം ലഭിച്ചിരുന്നില്ല.തിരക്കഥ അണിയറയില് ഒരുങ്ങുകയാണെന്നും തന്റെ ചിത്രത്തിലൂടെ മഞ്ജു വീണ്ടും മലയാളികള്ക്കിടയിലേയ്ക്ക് എത്തുമെന്നും രഞ്ജിത്ത് റിപ്പോര്ട്ടറിനോട് വ്യക്തമാക്കി. ചിത്രത്തിന്റെ പേര് തീരുമാനിച്ചിട്ടില്ല.
മഞ്ജു വാര്യര് പതിനാലു വര്ഷങ്ങള്ക്ക് ശേഷം അഭിനയ ലോകത്തേയ്ക്ക് തിരികെ എത്തുമ്പോള് അത് ഏത് ചിത്രത്തിലൂടെയാകുമെന്ന് പ്രേക്ഷകര് ഏറെ ആകാംഷയോടെയാണ് കാത്തിരുന്നത്. രഞ്ജിത്ത് ചിത്രത്തില് മഞ്ജു എത്തുന്നു എന്ന് വാര്ത്തകള് ഉണ്ടായിരുന്നെങ്കിലും മഞ്ജുവോ രഞ്ജിത്തോ പ്രഖ്യാപിച്ചിട്ടുണ്ടായിരുന്നില്ല.
മലയാളത്തിന് നിരവധി ഹിറ്റ് സിനിമകള് സമ്മാനിച്ച രഞ്ജിത്തിനൊപ്പം താര രാജാവായ മോഹന് ലാലും മലയാളത്തിന്റെ പ്രിയ നടി മഞ്ജു വാര്യരും ഒന്നിക്കുന്നത് കാണാന് േ്രപക്ഷകര്ക്ക് ചുരുങ്ങിയ കാലം കാത്തിരുന്നാല് മതിയെന്നാണ് റിപ്പോര്ട്ട്.
Subscribe to:
Post Comments
(
Atom
)
No comments :
Post a Comment